Тоқаев: «Менің халқым Финляндияны жақсы көреді» Мемлекет басшысы Қасым-Жомарт Тоқаев Астанада Финляндия Президенті Алекс…
Тоқаев: «Менің халқым Финляндияны жақсы көреді» Мемлекет басшысы Қасым-Жомарт Тоқаев Астанада Финляндия Президенті Александр Стуббпен келіссөз өткізді. Тоқаев бұл сапардың екі ел арасындағы ынтымақтастықты жаңа деңгейге шығаратынын атап өтті. «Менің халқым Финляндияны жақсы көреді — салт-дәстүрін, мәдениетін құрметтейді, туризм бағытында да жиі барады», — деп екі ел арасындағы тығыз байланысқа жеке тоқталды. Өз кезегінде Александр Стубб Қазақстанға үшінші рет келіп отырғанын айтып, 20-ға жуық фин компаниясы елмен әріптестікті дамытуға қызығушылық танытқанын жеткізді. Сонымен қатар екі ел президенті 15 құжатқа қол қойып, алдағы уақытта жобалардың міндетті түрде іске асатынына сөз берді. Тараптар инвестициялық және сауда қатынастарын кеңейту, сондай-ақ халықаралық саясат пен қауіпсіздік мәселелерін талқылады.
